Ha impormasyon tikang ha 8th Infantry Division (8ID), samtang nagdudumara hin combat operation an tropa han gobyerno ha lugar in nakaengkwentro an mga myembro han NPA ha ilarom han Apoy platoon, sub regional committee (SRC) sesame han Eastern Visayas Regional Party Committee (EVRPC).
Ine in nagresulta han pagkamatay han ira lider nga kinilala kan Martin Colima Alias Moki ngan pagkarekopo hin usa nga calibre 45 nga pistola, 7 nga mga bag ngan pira nga mga dukomento.
Sumala kan 78IB commanding officer, Lt. Col. Allan Tria, hi alyas Maki ngan an iya grupo an utak han pira nga mga terorista nga binuhatan ngan kasamok ha rehiyon.
An iya grupo an gintutudlok nga responsable ha pagkamatay han unom (6) nga sundalo ngan pagkasamad han 20 pa nga tropa han 14IB ha usa nga madugo nga engkwentro ha Brgy. Pinanag-an, Borongan City dida han November 11, 2019.
Hiya gihapon an mastermind ha natabo nga ambush ha National Highway ha Brgy Libuyon, Borongan City, Eastern Samar dida han December 13, 2019 kun diin namatay an usa nga police, tulo nga sibilyan ngan samaran an 12 nga sibilyan lakip na an duha nga minor de edad.
Hi alyas Maki gihapon in napasakahan na hin kaso nga murder, attempted murder, frustrated murder, ngan robbery.
“We will relentlessly pursue them, for we are determined to put an end to their atrocities in the region. Despite this, we are still offering you peace to start a new life with your loved ones,” siring ni Lt.Col.Tria.
Nagpadangat naman hin simpatiya hi 8ID Commander, Maj. Gen. Camilo Ligayo, ha mga pamilya ngan kasangkyan han namatay nga NPA leader.
Hiya naman in padayon la gihapon nga nag-aaghat ha mga nabibilin pa mga rebelde nga sumurrender na ha gobyerno.
“It is tragic that they have taken arms against the Filipinos, it is sad that another Filipino who was deceived by the misleading ideology of the communist terrorist died. on the other hand, I encouraged the remaining members of the rebel group to surrender and be with their families while you still have a chance,” segun ni Maj. Gen. Ligayo.
Samtang, usa naman nga sundalo an samaran ha nasabi nga engkwentro kun diin gin dara ine dayon ha hospital agud tambalon.
(Photo courtesy to 8th Infantry “Stormtroopers” Division, Philippine Army)
