Compostela Valley Province – Nakaplagang patay ang usa ka leader sa New Peoples Army (NPA) human sa engkwentro tali sa hiniusang pwersa sa kasundalohan ilalom sa 25th Infantry Batallion (IB), 60th Infantry Division (ID) Phil. Army ug ginsakpan sa Laak Municipal Police Station sa Brgy. Kapatagaan, Laak Compostela Valley Province sa nakalabay’ng adlaw.
Ang namatay giila sa kapolisan nga si Marjun Taba, alias “Hiker” kansang sakop sa New Peoples Army nga naglihuk sa Compostela Valley Province, Agusan del Sur ug Davao del Norte.
Sumala sa report, nakadawat og tawag ang kapolisan kalabot sa nahimutangan sa mga rebelde hinungdan miresponde ang mga owtoridad bitbit ang unom ka mga warrant of arrest sa kasong Murder, Attempted Murder, Rebellion, Serious Illegal Detention, Double Murder ug Double Frustrated Murder.
Human sa lima ka minutong engkwentro na recover ang patayng lawas ni Hiker, lakip ang iyang .45 kalibreng pistola ug duha ka landmine.
RadyoMaN Jules Catisay
