Nadakpan sa kapolisan dinhi sa Sugbu ang giila nga dakung lider sa New People`s Army sa Sugbu ug Negros .
Si Eduardo Sacamay , 63 anyos ug kasamtangan nga nagpuyo sa Panagdait Barangay Kasambagan sa dakbayan sa Sugbu adunay duha ka warrant of arrest tungod sa kasong murder .
Matud ni Senior Inspector Alejandro Batobalonos sa Provincial Intelligence Branch sa CPPO , sa niaging semana pa nila namonitor nga raa sa dakbayan sa Sugbu si Sacamay .
Si Sacamay giingong nagpasakop sa NPA niadtong dekada 70 , apan hugtanon niyang gipanghimakak nga usa siya ka rebelde.
Nahibong usab si Sacamay nga samtang nagpanday kini sa iyang balay , kalit lang siyang gidakop sa mga polis pinaagi sa warrant sa kasong murder sa Toledo City ug sa Bohol .
Facebook Comments
