Davao City, Philippines – Liwat na naman nga ginbanatan ni Pangulong Rodrigo Duterte ang New People’s Army matapos ang pagpatay sa isa ka miyembro sang CAFGU sa Sitio Hagimitan, Bolhoon, San Miguel, Surigao del Sur.
Ginhimo sang Pangulo ang pahayag sa iya pagtambong sa Indigenous Peoples (IPs) Leaders Summit sa Felix Apolinario Naval Station, Camp Panacan, Davao City.
Matandaan nga sang nagligad nga adlaw ginpatay sang ginapatihan mga rebelde si Mar Acevedo Bocales, miyembro sang 9th Special Forces Company sang 3rd Special Force Battalion sang Philippine Army.
Nakit-an nga madamo sang pilas tuga sang pagpangbuno ang lawas sini.
Nasapwan naman ang iya ulo lima lang ka metro ang kalayuon sa iya lawas.
Nahibalu-an man nga anay miyembro sang NPA si Bocales.
Ginkondenar naman ni Lt. Col. Trinidad, commander sang 36 IB ang brutal nga pagpatay kay Bocales kag gintawag pa ini nga ‘barbaric’.
Ginpromisa man sini nga manabat gid ang mga rebelde nga may kahimuan sini. *rcsg*
For more news updates like our official Facebook page: www.facebook.com/ifmbacolod943
