Roxas City – Isa ka anay membro sang New Peoples Army ang boluntaryo nga gin-surrender ang iya kaugalingon sa kay Police Major Rowell Buccat sang Provincial Intelligence Unit sang Capiz PPO sa Camp Apil, Roxas City.
Suno kay PMAJ Buccat, tuig-1992 sang na recruit sang NPA si Alias Art.
Nangin membro ini sang yunit sang NPA nga nagaoperar sa nabukid nga bahin sang mga kabarangayan sa munisipyo sang Mambusao, Jamindan, Sigma, Dumalag kag Tapaz.
Ang pagsungka ni Alias Art sa puwersa sang gobyerno ang resulta sang mas ginpasangkad nga intelligence kag information operation kapartner angb61st IB, 3ID, Philippine Army kag mga Barangay Intelligence Network.
Dala ni “alias Art” sa pag-surrender sini ang caliber .357 revolver lakip ang lima ka mga bala.
Sa pag-atubang sa mga katapo sang media, ginpahayag ni Alias Art nga napilitan ini sa pag-surrender bangud nga ini na sini masarangan ang kabudlay kag kagulotmon samtang yara sa kabukiran.
Matapos ang pagsurrender ni Alias Art, igaproseso sang Capiz PPO ang pag-avail sini sang Enhanced Comprehensive Local Integration Program (E-CLIP).
📷 Capiz PPO Pcads
