Davao City – Gi-presenta sa publiko ang onse ka mga New People’s Army (NPA) surrenderees sa Region XII ingon man ang armas atol sa gipahigayon nga Joint National Peace and Order Council-Regional Peace and Order Council (NPOC-RPOC) Meeting sa usa ka hotel sa may Agdao ning dakbayan sa Davao alang sa Enhanced Comprehensive Local Integration Program (E-CLIP) kauban si PNP chief Oscar Albayalde ug uban pang mga opisyales sa gobyerno.
Mokabat sa 25 high-powered firearms ang dala sa mga NPA surenderees.
Nasayran nga karong tuiga, anaa na sa 800 nga mga NPA surrenderees ang gipailalum sa sa Enhanced Comprehensive Local Integration Program (E-CLIP).
Diin lauman usab ang daghanang tabang nga ipaabot sa nahisgutan alang sa pagsugod sa bag-ong kinabuhi ilalum sa gobyerno. Nasayran nga anaa sa P488M ang gi-alokar nga pundo alang sa E-CLIP karong tuiga kini gawas pa sa mga tabang gikan sa nagkalain-laing national agencies.
Sa karon, padayon usab nga gi-awhag sa PNP chief ang mga NPA nga mutahan sa gobyerno aron pahimuslan ang tabang nga gi-andam alang kanila.
RadyoMaN Kirby Manzon
