NPA nga anaa pa sa kabukiran, gi awhag nga mo balik sa gobyerno

Mosobra na sa 50 ka tuig ang pakigbatok sa mga NPA sa gobyerno apan, hangtod karon wala gihapon nila natagamtam ang tinuod nga kalinaw.
Hinungdan nga kanunay ang panawagan sa mga kapulisan ngadto sa nahabiling NPA nga anaa pa karon diha sa kabukiran nga kung mahimo mo balik nalang sa gobyerno ug manimuyo nga malinawon.
Sa kasamtangan, padayon ang paghatag ug panginabuian, pinuy-anan ug kagawasan ngadto sa NPA ilawom sa programa sa National Task Force to End Local Communist Armed Conflict.
Matod pa sa labaw sa PNP nga si PGen. Guillermo Eleazar, nga walay maayong nahatag ang pag anib sa kalihukan sa NPA kun dili nakaguba lamang kini sa kaugmaon sa usa ka indibidwal ug sa ilang pamilya.
Naglaom karon ang mga otoridad nga mosanong sa panawagan ang mga anaa pa sa kabukiran, aron hingpit na nga matuldukan ang insurhensya sa nasod.