Davao City- Pasakaan og kaso ang giingong mga sakop sa New People’s Army nga mipatay sa usa ka miyembro sa Citizen Armed Forces Geographical Unit (CAFGU) sa Barangay Naga, Laak, Compostela Valley Province sa nakalabay’ng adlaw.
Kahinumdoman nga si Marcelo Imba, ang biktima, 47 anyos ug nagpuyo sa Purok 1, Barangay Naga, Laak, igo lang naghipus sa binuhing kanding.
Matud sa imbestigasyon sa kapulisan sa Laak Municipal Police Station, si Imba nananghid sa iyang detachment commander nga iyang hipuson ang kanding, apan wala na kini makabalik, hinungdang ilang gisusi ug didto nadiskubrehan nila nga gibinaklid ang iyang kamot gamit ang iyang t-shirt ug nakaplagang wa nay kinabuhi. Sa dihang gisusi, nakita ang mga samad pinusilan sa iyang lawas nga maoy hinungdan sa kamatayon.
Nagtoo ang kapulisan sa Laak nga sakop sa Guerilla Front 33, Southern Midanao Regional Operations Command, New Peoples Army (NPA) ilawom ni “Kumander Hiker” nga maoy gitudlong suspect.
Kasamang Jules Catisay
