Sergio Osmeña ZN – Giklim na sa pamilya ang usa ka gitouhang sakop sa New People’s Army kon (NPA) nga namatay sa engkwentro tali sa tropa sa goberyerno didto sa Sitio Minsay, Barangay San Isidro, lungsod sa Sergio Osmeña sakop ning lalawigan sa Zamboanga del Norte.
Kini Gikumpirma ni 1st Lt. Sotero Abrito III sa interview sa rmn dxdr kagahapon sa buntag nga nianang domingo sa hapon, niabot ang pamilya niini sa Municipal Hall para moklim sa patay’ng lawas sa usa ka gituohang NPA.
Sumala pa ni 1st Lt. Abrito atol sa pagklim, nagka-atubang ang ilang Battalion Commander sa 53rd IB Philippine Army nga si Lt. Col. Marlowe Patria, uban ni Mayor Augustines Magsalay ug ang pamilya sa rebelde diin didto na nila giila ang kabanay napatay nga si Win Taata nga taga Brgy. Kauswagan sakop sa susamang lungsod.
Ang pamilya wala mihatag og pamahayag gumikan nga dili nila buot nga madaot ang ilang relasyon sa mga sibilyan human nga nasayran nga aduna silay sakop nga miyembro sa walhong pundok.
Sa karon ang maong napatay’ng rebelde kasamtangan gihaya sa pamilya sa luyo sa karaang municipal hall ug karon adlawa gikatakdang ipahiluna sa katapusan pahulayanan sa may public cemetery sa sentro subay sa tradisyon sa subanen.
Kahinumduman nga naglusad ug combat operation ang usa ka platoon sa militar human nadawat ang report nga dunay mga presenya sa rebelde sa Brgy. San Isindro diin nasuta nga usa ka molupyo sa dapit ang buot tipion sa mga NPA.
Ang maong operayon sa militar nisangko sa 15 minutos nga sinukliay sa bala human nila gikatagbo ang lima ka mga armadong rebelde, nga nikalas sa nahisgutang npa ug usa usab ka sundalo nga si Sgt. Rolly Barimbao na gikaingong naigo sa iyang ulo.
