BACOLOD CITY – Nagaupod ang tanan nga units sa idalum Leonardo Panaligan Command diri sa Negros sa deklarasyon sang Unilateral Ceasefire sang Sentral Komite sang Communist Party of the Philippines , National Operational Command sang New People’s Army sa tanan nga commands kag units sang NPA kag People’s Militia sa pagsaulog sang Christmas Holidays kag sa 49th anniversary sang New People’s Army.
Ang ceasefire ang nagsugod las 6 kagab-i, Desiyembre 23 tubtub las 6 sang gab-i sa Dec 26, las 6 sang gabi Dec 30 tubtub Enero 2, 2017 sang gab-i.
Ila man gin mandu-an ang tanan nga NPA units kag people’s militias nga likawan ang mga offensive military campaigns kag operations batuk sa tanan nga uniform armed personnel sang AFP kag PNP.
Apisar sini maga pabilin naman nga yara sa active defensive mode ang New People’s Army kag padayun nga maga patuman polisa kag kasugu-an para sa people’s democratic government.
