Davao City – Na-identify sa kapulisan ang 8 sa 14 mga indibidwal nga mga wanted persons ug mga sakop sa New Peoples’ Army (NPA) special partisan unit kun SPARU nga gi ronda sa kapulisan ug kasundaluhan sa Victorio Beach Resort, nga nahimutang sa Purok 10, Talomo Cemento, Brgy Talomo, Davao City, diin usa na niini ang subject sa warrant of arrest nga usa ka alias ka Jeffrey.
Kini ang gibutyag ni Police Regional Office kun PRO XI Regional Director PCSUPT Marcelo Morales sa pakighinabi sa Davao Media atol sa gipahigayon Joint National Peace and Order Council-Regional Peace and Order Council (NPOC-RPOC) Meeting kagahapong adlawa, Nobyembre 26, 2018.
Matud pa ni Morales nga ang maong mga wanted persons usab ang naggikan sa Brgy. Langub, Maa ning dakbayan atol sa gipahigayong police operation sa lugar sa milabay nga bulan.
Gibutyag ni Morales nga nabaton og “premature approach” ang kapulisan diin kini nagpasabot nga ayha pa man naka pwesto ang otoridad, nakit-an na dayon sila sa mga suspek ug ngitngit usab ang lugar.
Ang mga suspek usab ang unang nagpabuto ug armas nga gika-alarma sab sa ilang kaubanan rason nga dali silang naka-ikyas.
Sa karon, usa ka person of interest ang gigunitan sa kapulisan nga mao ang caretaker sa compound nga maoy gikuhaan og dugang impormasyon kalabot sa mga rebeldeng grupo samtang nagapdayon ang ilang gihimong pursuit operation kalabot sa insidente.
RadyoMaN Kirby Manzon
