Davao City- Sulod sa pito ka bulan ning tuig 2017, gibana-banaang anaa sa kapin 60 na ang misurender sa sabakan sa gobyerno sa area sa Asuncion, Davao del Norte.
Sa interbyu sa DXDC RMN Davao kang 60th Infantry Batallion Civil Military Operations officer 2nd Lt. Amadeuz VJ R. Celestial, gibutyag niini nga nadungagan ang ihap sa mga misurender sa ilang area sugod Pebrero kutob Setyembre ning tuiga diin kaniadtong adlawng domingo, Setyembre 17, dunay usa ka miyembro sa Guerrilla Front Committee 34 sa New People’s Army kun NPA ang mibalik sa sabakan sa gobyerno.
“Hindi ko pa alam yung exact number, over 60 na yung surrenderees starting February of this year nung nagstop yung ceasefire, siguro nandyan sa around 61-65,” sulti ni Celestial.
Dugang ni Celestial, misurender ang usa ka 24 anyos nga si alyas Jojo sa mga tribal leaders sa Brgy. Gupitan Kapalong, Davao Del Norte sa nasangpit nga adlaw ug gi-turn over sa 60th IB Philippine Army sa Asuncion.
Matud pa, rason sa kanhi rebelde nga wala nasuportahi sa grupong iyang gisudlan ang iyang pamilya sulod sa kapin usa ka tuig nga siya misulod sa nasangpit nga grupo hinungdan nga midesisyon siyang mubiya.
“Naga-attempt na siya og surrender sa 1st quarter sa 2017 kaso ngayon lang siya naka-timing kasi nawala yung ceasefire, medyo natakot siya pag bumaba siya baka tirahin siya ng mga military eventually ngayon nakapagsurrender na siya successfully with the help of our tribal leaders,” sulti ni Celestial.
Sa karon, anaa sa kustodiya sa 60th IB si alyas Jojo ug gipaulawum na sa debriefing ug medical checkup gani gina-atiman na sab ang mga kinahanglan niini aron mapaubos na sa Comprehensive Local Integration Program kun CLIP.
RadyoMan Renz Barbarona
