Davao City- Estudyuhan sa Armed Forces of the Philippines (AFP) ang gipagulang orden ingon man kumpletong guidelines kalabot sa deklarasyon sa Malacañang nga usaka terrorist organization ang New Peoples Army (NPA).
Atol sa interbyu sa DXDC RMN Davao, gibutyag ni 10th Infantry Division commander Maj. Gen. Noel Clement nga adunay ipahigayong command conference ang kasundaluhan karong Huwebes.
Gisulti ni Clement nga una nang nigula ang Executive Order nga nag-terminate sa peace agreement tali sa komunistang grupo ug gobyerno sa Pilipinas duha ka semana na ang nakalabay.
Dako unya ang mamahimong kausaban sa tratamiento sa kasundaluhan ngadto sa mga NPA human sa maong proklamasyon.
Dugang ni Clement nga wala pa sila nagdeklara karon og ‘red alert status’ apan gipahugtan na nila ang ilang seguridad ug gipaalerto ang tanang units human sa gihimong pagpamanhig sa NPA sa mga pulis didto sa Camarines Norte ug pagpang-atake sa Municipal Police Station sa Misamis Oriental niadtong adlawng Dominggo.
RadyoMan Aimee Guinita
