Davao City- Magpadayon gihapon sa pagpaningkamot ang lokal nga gobyerno nga makab-ot ang kalinaw tali sa gobyerno ug New Peoples Army (NPA) dinhi sa syudad sa Davao.
Kini ang nahimong reaksyon ni Davao City Mayor Inday Sara Duterte-Carpio sa planong pagdeklara ni President Rodrigo Duterte sa NPA nga iapil sa listahan sa mga terrorist groups.
“Will wait nalang, hulaton nalang nato nga duna na gyuy official proclamation gikan sa national government declaring NPA nga terrorists, wala pa tay papel nga ginagunitan, wala pay legal basis, magpadayon gihapon ang atoang reaching out to our sisters and brothers sa NPA,” sigun ni Duterte.
Sa pikas bahin, nagrekomenda ang Davao City Peace Committee og usa ka temporaryong ceasefire tali sa NPA ug pwersa sa gobyerno.
Kini ang gibutyag sa Mayor diin sumala niya dili kini problema kung sinsero ug muhimo lamang ang pikas pundok og effort alang sa hinabing pangkalinaw apan wala pay desisyon ang Mayor kabahin sa maong rekomendasyon.
Posibleng madeklara ang ceasefire karong December 25, 26, 31 ug January 1.
Dugang usab sa Mayor, musaka sa bukid ang mga miyembro sa Davao City Peace Committee alang sa localized peacetalks.
RadyoMaN Renz Barbarona
