Davao City – Dili na makakuha og asistinsiya ilawum sa City Government’s
Lingap para sa Mahirap Program ang mga rebeldeng NPA ug mga indibidwal nga
masupakon sa balaod.
Niadtong Marso 14 ning tuiga gipirmahan na ni Davao City Mayor Inday Sara
Duterte-Carpio ang Executive Order No. 7 series of 2018.
Nalakip sa maong executive order mao ang dili na maapil sa Lingap ang mga
pasahero o drivers nga nakaangkon og samad nga nakuha sa vehicular accident
tungod sa paglapas sa balaod trapiko sama nalang sa wala paggamit og helmet
ug mga drivers nga malambigit sa aksidente kinsa mahibal-ang nakasupak sa
Republic Act No. 10586 “An Act Penalizing Persons Driving Under the
Influence of Alcohol, Dangerous Drugs, and Similar Substances, and for
Other Purposes.”
Dugang pa niini, dili na usab maka-avail ang mga pasyenteng mahibal-ang
sakop sa teroristang NPA kinsa mapagan sa engkwentro tali tropa sa gobyerno.
Lakip usab ang mga indibidwal nga makahimo og krimen o sala nga adunay
silot ilawum sa kasamtangang balaod ug regulasyon dinhi sa nasud ug ang mga
pasyenteng buntis gawas na lang sa medical issues sa bag-ong mga gianak.
Ang Lingap Para sa Mahirap Program giimplementar sa City Government of
Davao aron makahatag og medical ug funeral assistance sa mga residente
dinhi sa syudad sa Davao.
RadyoMaN Renz Barbarona
