Davao City – Wala mahisubay sa Geneva Convention ug sa International Humanitarian Law (IHL) ang kamandoan ni Mayor Inday Sara Duterte-Carpio nga dili pagahatagan og medical assistance ang mga miyembro sa NPA nga masamdan sa giyera ug madala sa ospital dinhi sa dakbayan sa Dabaw.
Gibutyag ni Akbayan Partylist Representative Tom Villarin nga dakung supak ang Executive Order No. 35 series of 2016 sa Geneva Convention ug sa IHL nga naghatag og katungod sa mga rebelde ug sa tropa sa gobyerno diha sa pagbaton og hustong tratamiento sa medical kun masamdan sa giyera.
Gisugilon ni Villarin nga dugay nang nagpatigbabaw ang Geneva Convention sa wala pa miulbo ang ikaduhang gubat sa kalibutan diin usa sa tumong mao ang pagseguro sa patas nga tratamientong medical ma-militar man o ma-rebelde.
Gibarugan ni Villarin nga dili angay hikawan sa katungod ang bisan kinsa nga makadawat og medical assistance sa walay pagtan-aw kung unsa ang iyang politikanhong pakig-away sa gobyerno sama sa teroristang CPP-NPA-NDF.
Masabtan sa magbabalaud nga bisan kinsang makalingkod sa pagkapangulo sa nasud kontrahon ug tawgon gayod og anti-poor sa mga militante, apan dili buot ingnon sab nga i-shortcut ang proseso aron dili makatilaw sa serbisyong medical sa gobyerno ang mga makawalhon hilabi na nga usa ang Pilipinas sa mga signatory sa Geneva Convention ug sa IHL.
Sa laing bahin, gipaboran ni Akbayan Partylist Representative Tom Villarin ang pagtanggal sa katungod sa mga kriminal nga makaangkon og tabang-pinansiyal sa gobyerno gawas kun suspek pa ug walay kaso nan dili angay ihikaw ang serbisyo medical sa lokal nga kagamhanan ngadto kanila.
RadyoMaN Joel Viray
