Sa interbyu sa DXDC RMN Davao kang Nelson Canete, Regional Director sa NTC-XI, gibutyag niini nga sa Abril 26, 2023 na ang deadline sa SIM registration, rason nga kinahanglan matabangan sa kabatan-onan nga ma-assist ilabi na ang mga senior citizen o mga bulnerableng sektor sa ilang barangay.
“Kay maayo man ‘ning mga millennial aning mga cellphone. Siguro panahon na pud nga tabangan nato ang atoang komunidad, especially kining mga senior citizen ug kadtong mga naggunit og cellphone nga keypad. Mura’g nabitin gyud ‘to sila, as far as registration is concerned,” segun ni Cañete.
Matud sa NTC-XI official, nakapahigayon na og remote SIM registration sa Davao del Sur ug Davao del Norte uban ang tulo ka telecommunication companies. Sa pagkakaron, anaa sila sa Davao de Oro, ug ila gilayong isunod ang Davao Oriental ug Davao Occidental.
Sa kasamtangan, anaa pa lang sa 48 million SIM cards ang narehistro gikan sa 179 million nga actual SIM card holders sa tibuok Pilipinas.
RadyoMaN Kirby Manzon
