Sa interbyu sa DXDC RMN Davao kang Nelson Cañete, Regional Director sa National Telecommunications Commission (NTC)-XI, gisulti niini nga importante nga marehistro ang SIM ayha ang deadline aron nga dili maapektuhan ang contacts, applications, digital wallets o social media accounts nga gigamitan sa maong numero.
“Kining 90 days period, panahon na ‘ni nga makaparehistro gyud ‘ta. Maningkamot gyud ‘ta nga makapangita og pamaagi para marehistro nato atong mga SIM card. Ayaw lagi mo’g hulat og kanang gitawag nato’g deadline,” sulti ni Cañete.
Matud sa tigpamaba sa NTC-XI nga aduna pay mga munisipalidad sa Davao Occidental nga magpahigayon pa sila og facilitated SIM registration partikular na sa Jose Abad Santos ug Sarangani, rason nga dako og tabang ang lugway sa pagparehistro.
RadyoMaN Kirby Manzon
