Davao City – Padayon nga giawhag sa National Telecommunications Commission (NTC-XI) ang Dabawenyos nga iparehistro ang ilang mga Subscriber Identity Module (SIM) card.
Sa interbyu sa DXDC RMN Davao kang Nelson Cañete, Regional Director sa NTC-XI, iyang gibutyag nga dul-an 1 million SIM card users na ang narehistro sa tibuok nasud.
Sa pagkakaron, pipila na lang ka mga lungsod sa Davao Region ang ilahang target nga maadtoan aron ma-facilitate sa pagparehistro partikular na sa Governor Generoso, Jose Abad Santos ug Sarangani.
“Nagpasalamat ‘ta tungod kay naa ang suporta sa mga LGU. In fact, naay mga LGU nga ang ilahang tourism office maoy naga-facilitate niini (SIM registration). Ang uban naa pud silay gipamutang nga help desk,” sulti ni Cañete.
Sa July 26, 2023 ang bag-ong deadline sa registration human kini gi-extend ug giaprubahan sa national government.
RadyoMaN Kirby Manzon
Facebook Comments
