Davao City- Giangkon karon sa National Telecommunication Commission Davao Region nga wala pa gihapon hingpit nawala ang mga modus operandi sa mga scammers online bisan og minilyon na ka SIM card ang narehistro karong panahona.
Gani, gibutyag ni NTC XI Director Nelson Cañete nga ning baguhay lang miduol ngadto sa iyang buhatan ang pipila ka pulis aron pangayuon ang tabang sa ilang buhatan dakpon ang mga anaa sa likod sa scam sa online ug sa mga text.
Apan gipasabot ni Director Cañete nga sa karon maglisod pa ang ilang buhatan sa paggukod sa mga sindikato sanglit wala pa mahuman ug nagpadayon pa ang Mandatory SIM card registration busa malisod pa ma-undang sa karon ang mga pangilad sa online ug sa text.
Apan gipasalig sa opisyal nga sa pag-abot sa buwan sa Hulyo karong tuiga matuldokan na sa hingpit ang binuang sa mga scammers sama sa mga nagapadala og mensahe sa cellphone ug magpaila nga NPA ug mangilkil og salapi sa ilang mga mabiktima.
RadyoMaN Joel Viray
Facebook Comments
