Sa interbyu sa DXDC RMN Davao kang Nelson Cañete, Regional Director sa NTC-XI, gibutyag niini nga aduna silay nadawat nga impormasyon kalabot sa mga tawo nga nagapangilad ug ginagamit ang insidente sa sunog aron nga makakolekta og kwarta sa netizens.
Gipasabot ni Cañete nga aron masigurado nga mapaabot ang tabang sa mga biktima sa kalamidad, mas maayo nga idiretso kini sa Department of Social Welfare and Development (DSWD), City Social Welfare and Development Office (CSWDO) o kaha sa Barangay nga apektado sa kalamidad.
“Kanang mga GCash nga ihatag, siguro sa mga grupo nga legitimate. Kay dili tanan nga nangayo og GCash para sa nasunogan, maadto sa nasunogan. Karon kung gusto man lang ‘ta nga mutabang, muduol na lang ‘ta sa mga ahensya nga nagatabang,” sulti ni Cañete.
Kahinumduman nga laing modus usab ang nikatag sa social media diin gigamit ang litrato sa bata nga nalapnos ang panit didto sa Iloilo, diin gipasangil nga kini biktima sa sunog dinhi sa syudad sa Davao, apan kini walay kamatuoran.
RadyoMaN Kirby Manzon
