Sa interbyu sa DXDC RMN Davao kang Nelson Cañete, Regional Director sa NTC-XI, gibutyag niini nga pwede gihapon nga makaparehistro og SIM cards bisan sa holiday tungod kay 24/7 man ang online registration.
Sa Abril 11, 2023, magpadayon usab ang remote registration diin naka-schedule ang mga munisipalidad sa Davao Oriental ug uban pang probinsya sa musunod nga mga semana.
“Tama-tama pud kay Semana Santa karon. Mao na’ng naa tay longest weekend kay up to Lunes. Siguro, gahinan nato’g panahon ang kining pagpa-register sa atong mga SIM card kay wala man siguro tay mabuhat ani. Gawas sa pagpamalandong, apil pud dinhi ang atong pagparehistro nato sa atong mga SIM card.”
As of April 3, 2023 anaa pa lang sa 55 million ang narehistrong SIM careds gikan sa 170 million active SIM card users.
Pahimangno sa NTC-XI official, ma-deactivate na ang mga SIM nga wala narehistro hangtud Abril 26, 2023 nga maoy gitakdang deadline niini.
RadyoMaN Kirby Manzon
