Gisulti ni NTC XI Director Nelson Cañete, sa ilang pagbalik sa remote SIM card registration ilang humanon ang nabiling mga lungsod sa rehiyon onse sama sa Lungsod sa Governor Generoso Davao Oriental, Jose Abad Santos, ug Balut Island sa Lungsod sa Sarangani nga pulos sakop sa Davao Occidental.
Aminado ang director nga alanganin kon walay klarong signal sa mga network ang naasoy nga mga lungsod tungod sa ka-walay pasilidad sa mga telecommunication companies, apan maglusad gihapon ang rehiyonal nga buhatan og remote registration kay aron ang mga anaa sa mga poblacion marehistro ang ilang mga SIM card nga gigamit karon.
Nasayran nga hangtod nalang sa Hulyo 25,2023 ang 90 days extension sa Mandatory SIM card registration ug human niana wala na’y laing lugway ihatag ang gobyerno alang sa mga dili makaparehistro sa ilang mga SIM card.
RadyoMaN Joel Viray
