Davao City – Nag-warning ang National Telecommunications Commission (NTC)-XI sa publiko nga maapektuhan ang social media accounts, electronic wallet (e-wallet) ugaling pakyas nga marehistro ang ilang Subscriber Identity Module (SIM) cards.
Sa interbyu sa DXDC RMN Davao kang Nelson Cañete, Regional Director sa NTC-XI, gibutyag niini nga kung pakyas nga maparehistro ang SIM card ug kini ma-deactivate na, tanang mga transaksyon lakip na sa online nga gigamitan sa imong numero, dili na usab magamit.
“Ma-deactivate imong number, automatic dili napud ‘to nimo ma-retrieve imong social (media) accounts. Mawala pa gyud imong phone book sa maong number. Unya, mawala pa gyud ang load nimo – forfeited,” sulti ni Cañete.
Pahimangno sa NTC-XI official, ma-deactivate na ang mga SIM nga wala narehistro hangtud Abril 26, 2023 nga maoy gitakdang deadline niini.
RadyoMaN Kirby Manzon
Facebook Comments
