Giklaro ni NTC XI Regional Director Nelson Cañete nga wala did-i ang publiko sa pagbaton og multiple SIM cards kung buot nila, basta ang importante, rehistrado ang mga numero niini.
Dugang ni Cañete nga dili siya supak kung magbaton og ubay ubay nga mga cards ang subscriber gani mas maayo usab kini sa katarongan nga adunay mga lugar nga weak or no signal gyud ang usaka telco.
Kampante ang gobyerno nga dili magamit sa dautang katuyuan ang SIM cards sanglit dali ra kaayo kini masakpan sa mga cyber authorities pinaagi sa pagsuta diha sa system kinsa ang tag iya o naghupot niini.
Gibutyag usab ni Cañete nga menos pa ang mga nagparehistro sa cards sanglit layo pa man ang deadline sa mandatory SIM card registration human gilugwayan og 90 diyas ang rehistrasyon.
Gilauman sa direktor nga modagsa pa sa portal ang mga magparehistro pag-abot sa 80-85 ka adlaw ug sa katapusang adlaw.
Ang Region XI adunay pinakadaghang nagpa-rehistro sa SIM cards sunod sa Region 6 partikular sa Iloilo City itandi sa ubang rehiyon.
RadyoMaN Joel Viray
