Ya anuncia aura aga el hefe del Zamboanga City Coast Guard Station Lt. Commander Alvin Dagalea cay hinde pa anay sila permiti con el mga jutay lancha para navega na Basilan, Jolo y otro pa mga destinasyon porcausa con el ta continua estado del grande-grande marihada na la mar.
Asegun con Dagalea, no pwede sila permiti el mga viaje porcausa cay mas ta queda alto el marihada la mar y hinde sila pone na peligro con el vida del mga pasajero.
Ta pidi entendemiento el Coast Guard con el mga pasajero para entende anay el diila sitwasyon cay para na diila syempre seguridad el cosa ta hace el mensyonao departamento.
Hay anuncia lang na RMN Zamboanga el PCG en tiempo si dale ya sila el permiso manda resumi el viaje del mga barko y lancha para na deferentes isla aqui na rehiyon. – *Bhong Simbajon/RMN News*
