Nueve maga Vintage Bomb ya puede encontra el maga construction workers amediante ta ase oyo na construction site adentro del eskwela del Zamboanga State Polytechnic College alas cuatro y medya ayer .
Ya habla el uno del Professor si Mr.Roy Valesco kay ya llama conele el Engineer na construction site despues el operator del contractor ya puede nota kay tiene cosa ya sangga amediante ta anda el back hoe abri conel tierra tiene el hondor de ocho piez .
Ensigidas tambien ya informa sila conel Bomb Squad que ya anda responde na lugar y recobri con maga Vintage Bomb , uno del bomba el intakto pa que asegun tiene posibilidad puede este rebenta si porque ya tapa el boca de este , mientras el losdemas el hinde na mas intakto.
Si Valesco ya habla kay el lugar donde ta construhi el Nuevo edificio antes campo de militar tiempo de Hapon durante el World War II. Y cuantos maga incidente tambien el ta puede sila encontra vintage bomb si tiene maga Nuevo edificio el ta llebanta .
Conel maga vintage bomb ya lleba na el bomb squad na diila opisina para el propio disposition .
Este dia ay continua otravez el trabaho na construction site , despues suspende ayer conel trabaho.
=end=
