El opisina del Bureau of Customs aqui na ciudad chene ya tamen ahora nuevo district collector, este ya bene despues ya man relieve con Atty. Halleck Valdez.
Si Darwisa Schuck el chief for assestment aqui na ciudad amo ya releba con Valdez este ya su aca terser ves ya agara este position. Asegun con Schuck hende broma el position ya dale conele, porcasa un grande responsibilidad este, ta admiti si Schuck maka stress el trabajo pero nuay le cosa puede cosa ase mas que ay acepta y ase todo su espuerso para subi el collection y eradica el problema na smuggling aqui na ciudad como cosa su prioridad.
Ya habla si Schuck ay concentra ele na su campanya contra smuggling y precura conestos maga negosyante de aros manda paga el cosa para paga na diila opisina aber para queda lehitimo el importasion del aros aqui na ciudad.
Lingasa di Schuck, nesesita pa ele colecta 59 million de pesos para llega na su target quota el mas de 410 sientos million de pesos este anyo, ya habla si Schuck nesesita le colecta con el 59 million de pesos dentro na tres meses que ay termina na mes de deciembre.
Mientrastanto, si Schuck no quiere dale comento que el rason porque ya cambia con el collector del customs aqui na ciudad porcaosa na reklamo del alcalde Beng Climaco Salazar sobre na alegao rampante de smuggling.
