Vengansa el posible motivo na matansa del un habal-habal driver nombrao como si Julakrim Ahaja y Nasril, 30 años el edad, del ayer alli na Calle San Miguel,Zone 7, Brgy. Ayala.
Con el victima ya descubri muerto del ayer na cuarto donde este ta esta solo,y tiene visible taho na de este pescueso.
Asegun con el imbestigador del caso si Spo1 Rudy Deleña, que el victima nuevo lang ya sale desde na Zamboanga City Jail por causa con el caso de matansa que ya emfrenta este despues que ya mata le con el un retirao soldao miembro del Phil Marines. Ta aparece que el librada del victima ya bene despues que ya entra asegun na amicable settlement el aca-segundo esposa del retirao marines.
Este ahora el ta considera el policia como el lead paraber puede resolve con el caso. Amediante que tiene ya sila con quien ta suspecha, nohay comforma nombra el police con el suspechao paraber hende man affecta el diila imbestigacion.
