Nuevo nacido bata moher ya encontra muerto

12

Nuay mas ya el dos braso y dos pies mientras curtao el cabesa del un Nuevo nacido bata moher cuando ya encontra el maga basurero na Lumbangan enantes aga.
Asegun con el Capitan del Lumbangan su Carmelito Bejerano pasada alas 7 del aga cuando ya descubri con el cuerpo del bata.
Base na investigacion del pulis nuay mas el dos braso y dos pies del bata solamente cabesa ya lang ya queda pero sapartao ya na cuerpo y adentro del cellophane de habon y adentro del carton cuando ya encontra el maga basurero.
Ta cre si Bejerano normal ya nace el bata pero ya mata con este y ya kurta el cabesa y ya kurta pa el dos braso y dos pies donde na ponoy pierna gayot ya kurta.
Con el cuerpo del bata ya entera na Lumiyap Cemetery na Lumbangan mientras el investigacion continuando pa este tiempo.

Facebook Comments

From Advertisers