Nuevo nacido niña ya encontra muerto

Con un nuevo nacido niña ya encontra muerto este tarde na un imbornal del un vacante lote locao na calle Gov Camins en este ciudad.

Con el pobre niña ya pone asegun na un carton, embolbido na tela , y base na tag na de este mano, ta indica que na ospital con esta ya nace del Julio24, 2018, y ta aparece que un tal Elmae Panaman el nana.

Dos maga bata del mencionao lugar el ye descubri con este na un imbornal despues que ta olestia el mal-olor. Asegun con un police ya responde na lugar, posible que enantes madrogada con este ya anda buta.