Arestado ang ginakabig number 2 most wanted person sa Probinsya sang South Cotabato sa iya puluy-an sa Banwa sang Tantangan nga ginkilala kay Tongan Camiguin Rajah “alyas tong” 58anyos, may asawa, manug-uling, kumander sang Bahala Bukas kag residente sang Purok 5, Barangay Dumadalig, Tantangan, South Cotabato alas 3:00 sang kaagahon kahapon sa gintingub nga pwersa sang Tantangan MPS sa pagpanguna ni PSI Ian Bagot Hepe sang Tantangan MPS, RIU 12 kag SCPMFC
Gindakop suno pa ang suspek sa bisa sang warrant of arrest sa kaso nga “Kidnapping for Ransom nga may criminal case number 3640 kag wala sang pyansa sa sala ni Hon. Roberto L. Ayco, acting presiding judge sang Regional Trial Court, 11th Judicial Region, Branch 26, Surallah, South Cotabato nga may petsa Nobyembre 17, 2010.
Gilayon naman nga gindala ang suspek sa South Cotabato Provincial Jail and Rehabilitation Center matapos mapanaugan commitment order sang korte.
Kaangot sini ginpahayag ni PSI Bagot nga nangin matawhay naman ang pagdakop nila sa suspek matapos ginserbe ang arrest warrant. photo courtesy to SCPMFC
