Arestado ang number 5 Most Wanted person sang Iloilo City Proper Police Station kag may pending warrant of arrest sa kaso nga paglapas sa RA 9165 matapos madakpan nga nagpang-snatch sang Cellphone sang isa ka estudyante sang University of San Agustin kaina sang hapon (May 30).
Ginkilala ang suspek nga si Alexander Pada, legal ang pang-edaron kag pumuluyo sang Boulevard , Molo apang may balay man sa Rizal Estanzuela, City Proper.
Pasado alas 4 sang hapon sang gin-snatch ni Pada ang cellphone sang estudyante kag nagdalagan apang ginlagas ini sang mga estudyante kag sang guwardiya tubtub sa Diversion Road kon sa diin nakita ini sang mga Pulis.
Bangud sini, nagbulig man lagas ang mga pulis kag nadakpan ang suspek kag gindala sa Mandurriao PNP kon sa diin natukiban nga may yara ini sang pending warrant of arrest sa kaso nga paglapas sa RA 9165 kag number 5 Most wanted person sang Police Precint 1.
