Nasikop sa mga otoridad ang nailang number 9 regional target drug personality atol sa gihimong buy bust operation mga alas 2:40 kagahapon sa hapon sa Purok 4, Poblacion, Valencia City, Bukidnon.
Ang suspect mao si Salvador Yumol nga miyembro usab sa Degamo Criminal Group nga nag-operate sa Gingoog City, Misamis Oriental ug Bukidnon.
Nakuha gikan kang Yumol ang unom ka sachet sa shabu nga gibana-banang nagkantidad og 160-mil pesos lakip ang usa ka libo ka pesos nga buy bust money.
Nasikop ang suspect sa hiniusang pwersa sa PDEA Bukidnon Provincial Office, Gingoog City Police Station, Valencia City Police Station, Valencia City Drug Enforcement Unit ug Bukidnon 2nd Provincial Mobile Force Company.
Nasayran nga ang suspect nalakip usab sa Regional Wanted Drug Personality tungod sa Warrant of Arrest sa kasong paglapas sa Republic Act 9165 o Comprehensive Dangerous Drugs Act of 2002.
