ILOILO City – Nakarehistro ang business permits and licensing division sang 7.73% nga saka sa mga negosyo nga nagatagan sang business permits sang 2018.
Sa record sang sang Business Permits and Licensing Division (BPLD) may 15,558 ka naisyu nga business permits ang BPLD sang 2018 mas mataas sa 14,442 ka permits sang 2017.
Ginalakipan ini sang 2,180 ka bag-o nga negosyo kag 13,378 ka renewals sang nagligad nga tuig.
Pahayag ni BPLD Head Mr. Normal Tabud, ginahimo sang city government ang mga programa agud mabuhinan ang proseso sa pagkuha sang permits.
Maluwas diri mahimo man makaproseso paagi sa online ang mga negosyante.
Nagtukod man sang business one stop shop ukon boss sa 3rd floor nga nagatuyo nga mabuligan ang mga kliyente nga mas mapadasig ang ila pagproseso.
Ginalauman nga mangin operational ini sa tunga tunga sang karon nga tuig kun makumpleto na ang mga equipment kag gamit nga kinahanglanon sang opisina.//via Joel Franco reports
Photo via Iloilo City Government
