Davao City – Buenas pa ang biktimang nurse tungod kay wala dunggaba sa holdupper nga mitulis kaniya sa S.I.R. New Matina, Davao City, ala 1:30 sa kadlawon.
Sa blotter sa Talomo PNP, padulong na unta mutrabaho ang biktima nga mao si Jean Pulmuna Entero, 30 anyos, nagpuyo sa S.I.R. Matina apan kalit lamang mibutho gikan sa ngit-ngit ang suspek nga si Jonas Cabaluna, 23 anyos, nagpuyo sa Bankerohan ning syudad sa Davao ug mideklara’g holdup.
Gihiwa sa suspek gamit ang bitbit nga kutsilyo ang strap sa bag sa biktima tungod kay misukol ang maong nurse sa suspetsado.
Sa dihang mosibat na unta ang suspek misyagit nga nagpangayo og tabang ang biktima rason nga naalarma ang katawhan sa S.I.R nga maoy mitabang og dakop sa tulisan.
Narecover sa suspek ang bag sa biktima nga adunay sulod nga payong, cosmetics, cellphone ingun man pitaka nga adunay sulod nga cash.
RadyoMaN Erin Lumosbog
