Davao City- Tungod lamang sa sinina nga dili ipahayhay atubangan sa pinuy-anan sa usa ka magtiayon, gibaharan matud pa ang usa ka nurse nga patyon og dili kini sundon.
Sumala sa report gikan sa Sta. Ana PNP, ang complainant gitago sa pangalang alyas Anne, 45 anyos ug nagpuyo sa may Brgy. 28-C siyudad sa Davao samtang ang mga nagbahad gitago sa pangalang Mr. Dong ug Mrs. Jenny.
Sumala sa mireklamo nga gihulga matud siya nga patyon ug giingnan kuno nga dali lang magpapatay og tao karon hinungdan nga hilabihang hadloka sa complainant diin subling nahitabo usab ang panaglalis niadtong Agosto 21 tungod sa nasangpit nga isyu.
Daling midangop sa kapulisan ang nurse ug gipatala ang maong panghitabo.
RadyoMaN Don Pulayao
Facebook Comments
