Kalibo, Aklan – Nagtuga it kahadlok sa sangka 34-anyos nga babayeng nurse rong natabo kana kabii matapos nga pinakitaan imaw it kinatawo ko manyakis sa Brgy. Estancia, Kalibo, Aklan.
Base sa panaysayon it nasambit nga nurse sa Kalibo PNP nga kabii mga alas 7:45 ro gabii samtang imaw nagapanikangon halin sa Panay Health Care Hospital paadto sa highway, napan-uhan nana rong sangka eaeaki nga naka sakay sa motorsiklo.
Nakibot eamang imaw tag uman na raya mapan-uhan nga naga sunod ro nasambit nga eaeaki kana.
Gindugang pa gid ko nasambit nga nurse nga mas imaw nakibot tag makita rong eaeaki nga ginabuytan ag gina masturbate ro anang kinatawo samtang nagatueok kana.
Maabo eon man suno kana nga natabo nga mawrang insidente sa lugar ag masami rong biktima hay mga nurses it nasambit nga hospital.
Ro nasambit nga suspek hay madasig man nga naha picturan it biktima bago pa man raya nakapaeagyo.
Padayaon pa ra makaron nga gina imbestigahan it mga kapulisan.
