Sa report gikan sa Ecoland Police Station, naila ang dinakpan nga nurse mao si Aiza Alberto, 34 anyos, residente sa Carnation St. Sto Rosario, Buhangin ning syudad ug usa ka estudyante nga si Hannah Jean Jumao-as Españo , 19 anyos nga taga Purok,10 Washington St., Quimpo Boulevard, Brgy.39-D ning dakbayan.
Sumala pa malampusong napalitan og usa ka sachet nga gituohang shabu sa nagtakoban nga poseur buyer nga pulis kambyo ang 1,000 nga buy bust money.
Nakuha sa mga dinakpan ang laing lima ka pakete nga shabu lakip nakumpiska ang mga drug paraphernalia.
Matud pa nga dugay-dugay na sab kini ginapanid-an sa mga awtoridad nga naga dula og illegal nga droga.
Ang duha ka suspek balhug na sa selda sa Ecoland Police Station ug mag-atubang ug kasong kalapasan sa RA 9165 Comprehensive Dangerous Drugs Act of 2002.
RadyoMaN Don Pulayao
