Davao City – Mireklamo sa Talomo Police Station ang usa ka alyas Charry, 18-anyos, residente sa may Baliok Toril ning siyudad human kini sekswal nga gi-harass ug gi-post sa social media ang gibuhat ngadto kaniya.
Base sa report, bandang alas-11:00 na sa kagabhion sa Enero 20 sa gabii, naglingaw-lingaw ang complainant sa usa ka KTV bar sa may dalang Ecoland kuyog ang duha pa ka higalang babaye.
Gikan nag CR ang biktima ug sa ilang paggawas gi-alirongan na kini sa lima ka wala mailhing lalaki nga dunay pangidaron 20-25.
Gipunayan matud siya og kuha sa litrato sa porma sa gusto sa mga suspek diin kagahapon nakita nalang niya ang hulagway nga gipost gikan kang alyas Huzzdin nga nag kanayon nga usa siya ka bayarang babayi resulta nga nakahatag ngadto kaniya ug hilabihang kaulaw.
Sa pgkakaron padayun pang gina-imbestigahan sa Kapolisan ang maong kaso ug gitun-an pa niini kun unsang kaso ang ipasang-at batok sa mga suspek ug nakig alayon na usab kini sa Anti-Cyber Crime Unit sa DCPO.
RadyoMaN Paul Canono
