Davao City – Gikontra karon sa National Youth Commission (NYC) Davao ang paghan-ok sa basol ngadto sa mga kabataan kinsa giila nga ‘silent spreader’ sa COVID-19.
Matud ni NYC-XI Regional Cluster Head Mayjee Dela Cruz, dili maki-angayong tawgong tigpakatag sa infection ang mga kabataan rason sa paspas nga pagsaka sa kaso sa kagaw karon.
Gisugilon ni Dela Cruz nga ang hut-ong sa mga kabataan usa sa mga bulnerableng sektor sa katilingban nga taas og risgong mataptan sa makamatay nga balatian nga mitumaw sa kalibutan karon.
Segun ni Dela Cruz, apektado karon ang mental health sa kabataan, busa unfair kon ipahid nato ngadto kanila ang tanang pagmahay sa pagsutoy sa pandemic.
Una niini, gibutyag sa Department of Health (DOH) ang unod sa usaka pagtoon nga ang mga kabataan maoy hilom nga tigdala kun ‘silent carrier’ sa virus dili lamang dinhi sa Pilipinas apan sa entero kalibutan.
Kon aduna ma’y angayang basulon sa tanan, kana walay lain kon dili ang virus mismo nga hangtud karon wala pa mapalgi sa mga syentipiko ug mga eksperto sa natad sa medisina ang tambal kun vaccine kontra niining makamatay nga matang sa balatian, ingon ni Dela Cruz.
Gidasig sa maong NYC official nga angay konsiderahon ang mga kabataan nga ka-partner sa gobyerno ug dili kay ‘contra vida’ sa anti-pandemic campaign.
Malaumon si Dela Cruz nga makahimo og programa ang gobyerno nga makaagni sa kabataan nga mo-estar sa ilang panimalay aron masalbar sila gikan sa maong mabangis ug makalilisang nga sakit sa kalibutan karon.
“Hindi talaga maiwasan mag-spread ang virus kasi, in the first place, ang ating mga young people is vulnerable sila pero it doesn’t mean sila yong reason (on) spreading the virus…It is so very unfair sa kanila, kasi that is public health (issue)… You cannot…Blame it on a specific sector…Seguro kung merong i-blame, (it should be) the virus itself,” panapos sa maong Davao youth official.
RadyoMan Joel Viray
