Formalmente ya revela ya na publico el marker del National Youth Day (NYD) anoche desfues del misa que ya encavesa el mga arsobispo aqui na Mindanao.
Mismo el Arsobispo Orlando Cardinal Quevedo del South Cotabato, Archbishop Leopoldo Haoshan del Bangued, Arsobispo Severo Carmare y Arsobispo Romulo Dela Cruz del Ciudad de Zamboanga.
Asegun con Quevedo, bien significante el inaguracion del mensyonao marker porcausa cay este ta manda acorda con el mga vivientes y entero paiz, que 382 años de antes ya planta con el primer marker na ciudad de Zamboanga, alyi na vicinidad del Fortaleza del Pilar y aura amo ya el siguiente, el NYD Marker.
Ya man witness el mas de dos mil participantes del NYD con el unveiling del NYD marker que locao mismo na frontera del iglesia de Carmelite na RT Lim Boulevard.
Por cuantoes dekada que ya pasa, aura lang ya fuede man-host el ciudad de Zamboanga coneste pinaca-grande junta del mga jovenes del entero paiz. – *Bhong Simbajon/RMN News*
