Ta pidi apoyo el mga organizers del National Youth Day aqui na ciudad para entende el problema na estado del trapico luego tarde na ultimo para del mga peregrinos que ta participa na mensyonao actividad.
Na entervista del RMN Zamboanga enantes aga con el uno del mga organizers del actividad Fr. Jeff Taib, este tarde hay chene el un misa na frontera del Carmelite Monastery na RT Lim bulevard, donde desfues hay sigui el motorcade desde na mensyonao lugar para na UZ Summit Center donde hay conduci el programa hasta denoche.
Asegun con Taib, este tiempo cumbiene dale mira suporta el mga vivientes con el actividades del NYD na ciudad cay unaves lang este oportunidad ta socede aqui canaton.
Prinsipiando alas-tres por la tarde, hay serra ya con el entero RT Lim boulevard desdel mga motorista y hay serra tambien cuantos mga interseccion na ruta donde pasa el motorcade, en tiempo si pasa ya el mga peregrinos. – *Bhong Simbajon/RMN News*
