Porcausa con el calor areredor, ya desma el uno del mga participantes del National Youth Day(NYD) ayer por la tarde durante el misa del congregasyon na RT Lim boulevard.
Asegun con el mga cumpañero del victima desdel provincia de Tarlac, que alas-tres pa del tarde sila ya endereza na boulevard y espera con el misa que ya principia pasada alas-cuatro ya del tarde.
Porcausa cay dalasucan tambien el mga participantes na diila cada cualan designao locacion, rason para esta el calor y nuay fuede experiencia dificultad na resulyada el uno del maga participantes donde desfues ya atende coneste insiguidas el mga paramedics del Philippine Red Cross y ya pone conele oxygen antes transporta conele na ambulancia insima na spine board.
Cuando ya llega na mas serca ospital, ya esta buenamente el condicion del victima que donde nuay mas ya coneste manda pa atende el siguiente actividad del NYD.- *Bhong Simbajon/RMN News*
