Pagadian City – Daku ang pasalamat sa Diocese of Ozamiz sa Iglesia
Filipina Independiente (IFI) human makapyansa si IFI Bishop Carlo
Morales gahapong adlawa.
Gikomperma ni IFI Diocese of Pagadian Bishop Antonio Ablon nga
nakagawas na sa prisohan ang Obispo human gitugutan sa korte nga
mopyansa og P200,000 ka pesos.
Kahinumduman nga nabilanggo sulod sa walo ka bulan si Morales human ma
aresto sa checkpoint sa militar og kapulisan sa Barangay Gango, Ozamiz
City, Misamis Occidental nga adunay kauban nga rebeldeng New People’s
Army (NPA) kaniadtong Mayo 11,2017.
Lakip na si Maria Teofilina Morales nga misis niini ang gi-aresto sa
mga otoridad og nag atubang sa kasong illegal possession of firearms og
maoy hinungdan sa pagkabilanggo sa Obispo.
