Pagadian City – Nabakunahan na ang obispo sa Diyosesis sa Pagadian nga si Most Rev. Ronald Bong Lunas kauban ang pipila ka mga kapari-an kagahapong adlawa.
Naturukan ang obispo sa iyang first dose sa AstraZeneca Vaccine uban sila si Monsignor Allan Ondin ug Reberindo Padre Noel Capdangan sa nagpadayon nga Covi-19 Vaccination Roll-out dihang dapita sa Covered Court Plaza Luz ning syudad.
Human sa solemne nga pag-ampo ug pagpanalangin mipailalom ang obispo sa proseso nga gilatid sa operations center alang sa mga magpabukuna og dihang nipasar sa lain-laing lakang sa pagsuta hingpit siya nga gibakunahan ug gisunod usab ang mga kaubang pari.
Niining panahon target nga mabakunahan ang mga Health Care Workers, Senior Citizens ug ang mga persons with comorbidities.
Nag-abiso usab ang buhatan sa maayong panlawas nga ang tanang Pagadian magpabakuna sa nakatakdang mga iskedyul tungod kay ang pagbakuna mahinungdanon aron maprotektahan ang kaugalingon ingon man usab ang pagkaylap sa Covid-19.
