Manila, Philippines – Arestado sa entrapment operation ng Manila police ang isang lalaking nagbantang ipakakalat ang mga nude video ng isang babae kung hindi ito papayag na makipagtalik sa kanya.
Ayon sa biktimang si alyas ‘Elena’, wala siyang kaalam-alam na binobosohan na pala siya at kinukunan ng video ng suspek na si Christopher Andrada habang siya ay naliligo.
Dahil dito, agad nagsumbong si Elena sa mga pulis na nagsagawa ng operasyon at nahuli ang suspek.
Hindi naman ito itinanggi ng suspek at sinabing nagawa niya ito dahil matagal na siyang may gusto sa biktima.
Nahaharap ang suspek sa kasong robbery at extortion.
Facebook Comments
