Davao City – Gipanguluhan ni Datu Guibang ang protest rally uban ang mga tribal leaders atubangan sa Talaingod Municipal Police Station aron palayason na ang grupo ni Satur Ocampo nga gideklarang persona non grata sa maong munisipalidad.
Hugot nga mibabag ang mga tribal datu nga dad on sa grupo ni Ocampo ang mga menor de edad gikan sa Talaingod padung sa wala pa matino nga destinasyon ang mga magtutungha sa Salugpungan.
Ang eskwelahan sa Salugpungan gipasirad-an sa mga tribal leaders tungod kay ang mga kabataan gitudluan nga mahimong aktibista batok sa gobyerno.
Gitinguha sa mga tribal leaders nga makuha ang mga kabataan ug mauli ngadto sa ilang ginikanan nga posibleng wala masayod nga gibyahe sa grupo ni Ocampo padung sa wala matino nga destinasyon.
Kahinumduman nga gi kustodiya ang grupo ni Ocampo sa Talaingud PNP ug Municipal Social Welfare Development Office tungod sa mga menor de edad nga walay pagtugot sa mga ginikanan nga ibyahe ingun man ang koordinasyon sa local government unit.
Sumala ni Chito Gerbolinggo sa Grupong Sambayan, nga posibleng mapasakaan og kasong child abuse si Ocampo sa pagdagit sa mga kabataan nga walay kalibutan ang ilang mga ginikanan.
RadyoMaN Erin Lumosbog
