Segun ni Khash Toghyani, Ocbo officer in charge, aron masiguro ang safety sa gambalay ug establisyementong ginapanday batok sa mga peligro kinahanglan nga mutuman gayod sa mga rekwisitos ang mga contractors, engineers, architects ug tanang mga kumpanya.
Sumala niini sa ilahang mga nainspeksyon adunay mga nakitang violations.
Nagpahimangno kini nga mamahimong magatubang og kasong kriminal ang mga tag-iya kung dili kini mu-comply sa mga building permits.
Subay niini gipaundang sa Office of City Building Official (Ocbo) ang tanang construction works sa condominium sa may Buhangin diin duha ka mga magsuong construction workers ang nahulog ug namatay.
Dili makabalik og operate sa construction activities ang nasangpit nga condo kutob sa dili pa mahuman ang imbestigasyon ug sa ginapasumite sa Department of Labor and Employment nga mga dokumentos tungod adunay gayuy nakitang stuctural failure ang OCBO partikular na sa floor nga nahugmak.
RadyoMaN Aimee Guinita
