Davao City – Gipangandaman sa Office of Civil Defense kun OCD XI ang ugaling adunay kusog nga linog nga mutay-ug dinhi sa syudad sa Davao.
Kini mao ang usa sa mga gihisgutan sa gihimong 1-Day DRRM Training for Local Media Practitioners sa Apo View Hotel ning dakbayan.
Sumala ni OCD XI spokesperson Franz Irag nga base usab sa monitoring sa Philippine Institute of Volcanology and Seismology (PHIVOLCS), aduna matud pay nakita nga active fault line dinhi sa dakbayan nga gitawag nga Central Davao fault line system.
Dugang pa nga base sa computer generated simulation sa PHIVOLCS, posibleng mu-produce ang maong systema og magnitude 7.0 nga linog nga muresulta sa billions economic loss sa syudad ug mokabat sa 1,200-1,500 katao nga mamatay ug libuan ang posibleng matalang samaran.
Subay niini, gibutyag ni Irag nga aduna nay naaprubahan nga regional disaster response plan apan buot sa OCD XI nga masabtan gihapon sa publiko ang importansya sa pagpangandam ilabi na nga dili gayud mahibal-an og kanus-a mutay- og ang linog sama nalang sa nahitabo sa nasud Indonesia nga gitay-ug og magnitude 7.5 ug gilampurnas sa tsunami nga mikalas og kapin 800 ka mga kinabuhi ug mukantidad sa million ang natalang damyos.
RadyoMaN Renz Barbarona
